Valur 3 – 2 Breiðablik
 1-0 Aron Jóhannsson (’35)
2-0 Orri Hrafn Kjartansson (’45)
2-1 Dagur Dan Þórhallsson (’63)
2-2 Anton Logi Lúðvíksson (’84)
3-2 Patrick Pedersen (’94)

Breiðablik tapaði sínum fyrsta leik í Bestu deild karla er liðið spilaði við Valsmenn á Hlíðarenda.

Blikar hafa verið langbesta lið sumarsins og voru á toppi deildarinnar án taps og með fullt hús eftir átta umferðir.

Valsmenn höfðu þá verið til vonbrigðar í sumar og voru með 13 stig eftir níu leiki og höfðu tapað fjórum í röð.

Aron Jóhannsson komst á blað í fyrsta sinn fyrir Val í kvöld en hann opnaði markareikning kvöldsins á 35. mínútu.

Orri Hrafn Kjartansson skoraði svo annað mark Vals undir lok fyrri hálfleiks og staðan 2-0 í leikhléi og útlitið bjart.

Dagur Dan Þórhallsson lagaði stöðuna fyrir Blika í seinni hálfleik en hann skoraði þá fyrsta mark Blika á 63. mínútu.

Anton Logi Lúðvíksson tókst svo að jafna metin fyrir gestina þegar sex mínútur voru eftir og stefndi allt í jafntefli.

Daninn Patrick Pedersen var á öðru máli og tókst að tryggja Valsmönnum sigur á 94. mínútu og tryggði þar með fyrsta tap Breiðabliks í deildinni í sumar.