Birkir Bjarnason fyrirliði Íslands er ósammála formanni KSí, Vöndu Sigurgeirsdóttir um að neikvæð umræða sé að hafa áhrif á landsliðsmenn.

Vanda skrifaði pistil á Facebook síðu sína um helgina sem vakti nokkra athygli en þar ritaði hún meðal annars um þá gagnrýni sem stendur á landsliðið.

Meira:
Vanda skorar á almenning að vera í jákvæða liðinu – ,,Skemmandi en ekki bætandi“

„Nei ég er ekki alveg sammála því, þetta hefur ekki verið mikið rætt innan hóps,“ sagði Birkir Bjarnason fyrirliði Íslands á fréttamannafundi í gær.

Birkir segir að allir eigi rétt á sinni skoðun en síðasta árið hefur reynst landsliðinu verulega erfitt innan sem utan vallar.

„Það mega allir hafa sína skoðun. Við vitum sem hópur hvað við stöndum fyrir.“

„Við erum að bæta okkur á mörgum sviðum og einbeiting okkar verður að vera á okkur, ekki því sem kemur utan frá.“