Hörður Magnússon einn ástsælasti íþróttalýsandi í sögu Íslands hefur gengið frá samningi við RÚV. Hörður greinir frá þessu á Facebook.
Hörður var um árabil hjá Stöð2 Sport en var sagt upp störfum árið 2019. Hann hefur síðan þá starfað hjá Viaplay með góðum árangri.
„If you can’t beat them, join them. Nýtt hlutverk. Mér var boðið að gerast álitsgjafi í bikarmörkum á RÚV í sumar sem ég þáði,“ segir Hörður í færslu á Facebook.
Hörður mun einnig sjá um að lýsa leikjum líkt og hjá Viaplay. „Verð einnig að lýsa hjá þeim í bikarnum. Mikil tilhlökkun að takast aftur á við íslenska boltann með góðu fólki. Held síðan mínu striki á Viaplay og er að fara til Frakklands og Ísrael á næstunn að lýsa á vettvangi. Góðar stundir,“ skrifar Hörður.
Hörður heldur til Frakklands í vikunni og mun lýsa úrslitaleik Meistaradeildarinnar beint frá París. Þar mætast Liverpool og Real Madrid í læstri dagskrá hjá Viaplay.
