Þjóðarhöllin og umræða hana fór fram í Íþróttavikunni hjá Benna Bó á Hringbraut á föstudagskvöld. Höllin og Laugardalsvöllur eru mikið til umræðu þessa dagana.

Handbolta og körfuboltalandsliðin búa við slæman kost og Laugardalsvöllur er á undanþágu.

„Það er spurning hvort framkvæmdarstjóri HSÍ vísi þessum ummælum til aganefndar, það er langt í land. Það er synd að Ásvellir eða Valur séu ekki komin lengra sín með leyfi, að það geti ekki verið þjóðarhöll í einhvern tíma. Laugardalshöll verður ekki í bráð,“ sagði Arnar Daði Arnarson þjálfari Gróttu í handbolta en gólfið í Laugardalshöll hefur verið ónýtt um langt skeið.

„Þetta er hræðileg staða, það er ekkert endilega í dag. Þetta er ekkert ný saga, ég er að þjálfa í Gróttu þar sem kvennalandsliðið var að undirbúa sig undir leik gegn Svíum. Þær þurfa að treysta á að fá tíma einhverstaðar,“ segir Arnar Daði.

Hann sagði frá því að þjálfari kvennalandsliðsins hafi þurft að biðja um leyfi til að hafa æfinguna lengri. „Arnar Pétursson þurfti að biðja um leyfi til að vera fimmtán mínútum lengur. Eins grátlegt eða broslegt og það er.“

„Yngri landsliðin vita ekki á fimmtudegi hvar æfingarnar eru á föstudegi, laugardegi og sunnudegi. Maður sér það alveg þegar fjölmiðlaviðtölin við landsliðsmenn eða þjálfara eru fyrir verkefni eru í Safamýri, Víkinni eða á öðrum stöðum. Við erum með leikmenn frá bestu liðum í heimi þarna,“ sagði Arnar Daði.

Arnór Smárason leikmaður Vals segir Ísland langt á eftir öðrum þjóðum. „Við erum svo langt á eftir öllum þjóðunum í kringum okkar. Við erum að ná í úrslit með þessu, það er virðing á það,“ segir Arnór.

„Við erum búin að vera svo lengi að tala um sama hlutinn, það gerist ekki neitt. Það er ekki boðlegt.“

Arnar Daði endaði umræðuna á þessu. „Þetta er hlægilegt og grátlegt á sama tíma.“