Manchester City er með góða forystu á toppi ensku úrvalsdeildarinnar og er munurinn eftir stórleik dagsins 13 stig. Þar tók Manchester City á móti Chelsea og unnu heimamenn eins marks sigur. Liverpool er í þriðja sætinu en þó tvo leiki til góða.
Joe Cole skilur ekki hvernig liðið er strax komið með svona mikið forskot í deildinni og telur bæði Chelsea og Liverpool vera með jafn góð lið og Englandsmeistararnir.
„Það kemur mér verulega á óvart að þetta Manchester City lið sé komið með þetta forskot svona snemma,“ sagði Cole á BT Sport.
„Í byrjun tímabils fannst mér þeir ekki vera með betra lið en Chelsea og Liverpool.“
