Brynjar Ingi Bjarnason er genginn í raðir Valarenga í Noregi frá Lecce á Ítalíu. Miðvörðurinn skrifar undir hjá Valarenga til ársins 2025. Hann fór í viðtal við heimasíðu norska félagsins í kjölfar undirskriftarinnar.

Brynjar sprakk út með KA í Pepsi Max-deildinni síðasta sumar. Hann hefur í kjölfarið leikið 10 landsleiki fyrir Íslands hönd. Brynjar skipti yfir til Lecce í sumar en fer nú til Noregs í leit að fleiri mínútum.

,,Það er gott að biðin er búin. Nú er komið að Valarenga hjá mér. Þetta er til að taka knattspyrnuferil minn á næsta stig. Margir Íslendingar hafa eða eru að spila í Noregi,“ sagði Brynjar.

Framherjinn Viðar Örn Kjartansson er einnig leikmaður Valarenga. Brynjar ræddi mikið við hann fyrir skiptin til Noregs.

,,Ég ræddi mikið við Viðar og þjálfaranna. Eftir samtölin hef ég ekki verið í neinum vafa um hvert ég eigi að fara. Viðar hefur talað svo vel um félagið og sérstaklega stuðningsmennina. Ég hlakka til að byrja.“

Valarenga hafnaði í sjöunda sæti norsku úrvalsdeildarinnar á síðustu leiktíð. Fleiri félög höfðu áhuga á Brynjari þegar ljóst var að hann væri á lausu en stefna Valarenga heilaði hann.

,,Það var mikill áhugi frá öðrum félögum í Noregi og í Skandinavíu yfirhöfuð. En framtíðarplönin sem félagið hefur kynnt fyrir mér heilluðu mig. Félagið vill vera með topplið í Noregi og ég vil vera hluti af því,“ sagði Brynjar að lokum.