Barcelona er búið að reka Ronald Koeman úr starfi, neyðarfundur stjórnar var boðaður í kvöld þar sem Joan Laporta og hans stjórn tók ákvörðun.
Barcelona tapaði á útivelli gegn Rayo Vallecano í spænsku La Liga í kvöld. Radamel Falcao gerði eina mark leiksins þegar hálftími var liðinn. Memphis Depay brenndi af víti fyrir gestina á 72. mínútu.
Barcelona er í níunda sæti deildarinnar með 15 stig eftir tíu leiki. Rayo Vallecano er í fimmta sæti með 19 stig.
Vandræði Barcelona hafa mikið verið í umræðunni og var ákveðið að reka Koeman. Hann hafði stýrt liðinu í eitt og hálft tímabil.
Leit að þjálfara fer af stað á morgun.
El FC Barcelona ha destituït aquesta nit Ronald Koeman com a tècnic del primer equip
— FC Barcelona (@FCBarcelona_cat) October 27, 2021
