Ivan Toney, framherja Brentford var líkt við Didier Drogba eftir sigur liðisins gegn Wolves um síðustu helgi.

Toney skoraði eitt og lagði upp annað fyrir Bryan Mbeumo í 2-0 sigri Brentford. Hann hefði getað skorað fleiri en tvö mörk voru dæmd af honum.

Toney skoraði 33 mörk fyrir Brentford í Championship deildinni í fyrra og hjálpaði liðinu að komast upp um deild eftir sigur í umspilinu.

Brentford hefur farið vel af stað í ár og hefur meðal annars unnið sigra á Arsenal og Wolves án þess að fá á sig mark. Christian Norgaard, liðsfélagi Toney, sagði að Englendingnum hefði verið líkt við Didier Drogba eftir leik.

Didier Drogba er þekktur sem einn besti framherji Evrópu og vann fjölmarga titla með Chelsea á sínum tíma.

„Mér fannst Bryan og Ivan standa sig frábærlega og þeir vinna vel saman. Ég heyrði einhvern í búningsklefanum líkja Ivan við Didier Drogba. 

Mér fannst hann líta svipaður út og hann – hvernig hann heldur boltanum, fyrsta snertingin og sendingarnar hans. Hann vann allt í loftinu og er flottur leikmaður.“

Toney vann fleiri einvígi og fleiri skallabolta en nokkur annar leikmaður á vellinum og stóð sig vel í að halda boltanum eftir að Brentford urðu manni færri.

„Nú höfum við sýnt það að við hræðumst engan. Mótstæðingar okkar hafa kannski hugsað: Þið eruð ekki í Championship deildinni lengur.

Þeir sýndu okkur í raun óvirðingu. Ég held að nokkur lið vanmeti okkur en við spilum bara og vinnum okkar vinnu. Við óttumst engan,“ sagði Toney eftir leikinn.