Paul Pogba er sagður skoða það alvarlega að skrifa undir nýjan samning við Manchester United. Ástæðan er sögð vera koma Cristiano Ronaldo og áhrif hans á liðið.
Pogba er 28 ára gamall en samningur hans við United er á enda eftir 10 mánuði. Skrifi Pogba ekki undir er ljóst að hann fer frítt.
The Athletic fjallar um málið og segir að innkoma Ronaldo og 4-1 sigur liðsins á Newcastle hafi haft jákvæð áhrif á Pogba. Hann er sagður skoða það alvarlega að skrifa undir nýjan samning.
Ronaldo lék sinn fyrsta leik fyrir United á laugardag og skoraði tvö mörk í endurkomu sinni.
Pogba kom aftur til United árið 2016 eftir dvöl hjá Juventus en hann hefur byrjað tímabilið vel og lagt upp fjölda marka.
