Það verður ekki leiðinlegt í sigurteiti Íslandsmeistara Vals eftir stórsigur á Selfossi í lokaumferð Pepsi Max-deild kvenna í kvöld.

Öll mörk leiksins í 5-0 sigri Vals komu í fyrri hálfleik.

Þau skoruðu Ásdís Karen Halldórsdóttir, Cyera Makenzie Hintzen (2), Ída Marín Hermannsdóttir, Fanndís Friðriksdóttir.

Góður endir á frábæru tímabili Vals. Liðið endar með 45 stig, 12 stigum á undan Breiðabliki sem var í öðrusæti.

Selfoss lýkur tímabilinu með 25 stig. Sem stendur er liðið í fjórða sæti. Það gæti þó færst sæti neðar, vinni Stjarnan sinn leik í lokaumferðinni.