Greint var frá því í dag að Klara Bjartmarz, framkvæmdastjóri KSÍ, væri komin í ótímabundið leyfi en  ástæða fyrir leyfinu var ekki gefin upp. Áður en sagt var frá því að Klara væri komin í leyfi höfðu margir krafist þess að hún hætti sem framkvæmdastjóri KSÍ en allir stjórnarmeðlimir sambandsins sögðu af sérí byrjun vikunnar.

Klara hefur ekki rætt við fjölmiðla í dag um leyfið en hún sendi vinum sínum yfirlýsingu í færslu sem hún birti á Facebook-síðu sinni. Mbl.is greindi frá og birti færsluna sem um ræðir en í henni segir Klara meðal annars að síðustu dagar hafi verið erfiðir. Þá segir hún að allir sem þekki hana viti fyrir hvað hún stendur og að „í öllu þessu“ hafi ýmislegt mátt fara betur.

Þá segist hún styðja þolendur, alltaf og alls staðar og að enginn skuli efast um það. Að lokum þakkar hún fyrir kveðjur og stuðning sem hún hefur fengið en hún segist meta það mikils. Hún botnar svo færsluna með orðunum: „Sjáumst fljótlega“.

Hér fyrir neðan má sjá yfirlýsinguna sem Klara birti í heild sinni:

„Kæru vin­ir.

Eins og sjá má í frétt­um þá er ég kom­in í leyfi.
Síðustu dag­ar hafa verið erfiðir.
All­ir sem þekkja mig vita fyr­ir hvað ég stend.
Ekki spurn­ing að í öllu þessu mátti ým­is­legt bet­ur fara.

Ég styð þolend­ur, alltaf allsstaðar.
Um það skal eng­inn ef­ast.

Takk fyr­ir all­ar kveðjurn­ar og stuðning­inn.
Ég met það mik­ils.
Sjá­umst fljót­lega.“