Roy Keane er í skemmtilegu klukkutíma spjalli við Gary Neville á Youtube rás Sky Sports í dag, þar kemur fram að hann laug reglulega af Sir Alex Ferguson um drykkju sína þegar hann var hjá Manchester United.

Fyrir nokkrum árum þótti það hinn eðlilegasti hlutur að knattspyrnumenn væru að fá sér í glas tvisvar í viku, leikmenn fengu sér þá í glas á miðvikudögum og laugardögum.

„Alex Ferguson tók mig oft til hliðar og sagði mér að ég hefði verið á næturlífinu og tekið leigubíl heim klukkan 02:30 um nóttina. Ég sagist ekki hafa brotið 48 klukkustunda regluna sem var í samningi mínum,“ sagði Keane.

„Ég reifst oft við hann og hann spurði mig hversu mikið ég drakk, þá laug ég að honum. Ég sagði honum kannski að ég hefði fengið mér 10-11 drykki og hann var hissa? Ef ég hefði nú bara sagt honum sannleikann, það var á hverjum klukkutíma.“

„Þú svaraðir oft með smá lygi, þú komst upp með þetta og ég myndi ekki vilja breyta neinu.“

„Ég mætti alltaf á fimmtudegi og tók á því, það var vegna þess að ég var með samviskubit yfir því að fara út.“

Keane fór alltaf út á lífið á miðvikudegi og svo aftur á laugardegi. „Á laugardegi hugsaði maður að við yrðum að klára sigurinn af því að við vorum að fara út á lífið. Við urðum að vinna leiki og titla til að rétta lífsstíl okkar.“