Breiðablik er komið áfram í Meistaradeild Evrópu eftir öruggan 7-0 sigur á KÍ KLaksvík í gær. Liðið mætir Gintra frá Litháen eða Flora Tallinn frá Eistlandi um sæti í 2. umferð Meistaradeildar Evrópu. Leikurinn fer fram á laugardag.
Selma Sól Magnúsdóttir kom Blikum yfir á 28 mínútu en sex mínútum síðar var Karítas Tómasdóttir á skotskónum.
Tiffany Janea McCarty skoraði þriðja markið og Agla María Albertsdóttir því fjórða, Karítas skoraði svo annað mark sitt skömmu síðar.
Agla María skoraði annað mark sitt úr vítaspyrnu og kom Blikum í 6-0 áður en Selma Sól skoraði annað mark sitt og sjöunda Blika á lokamínútu leiksins.
