Jack Grealish, leikmaður Manchester City og enska landsliðsins, setti ,,like“ við fjöldan allan af bikinímyndum af Love Island-stjörnunni Lillie Haynes áður en hann tók það svo til baka.
Fréttirnar koma stuttu eftir að Grealish var gómaður á stefnumótaforritinu Raya. Um er að ræða forrit sem ríka, fræga og fallega fólkið notar. Á meðan hið venjulega fólk fer á Tinder þá er Raya forrit sem þú þarft að greiða fyrir. Ekki fá allir aðgang að Raya.
Bæði viðvera hans á stefnumótaforritinu og ,,lækin“ vekja athygli þar sem ensku blöðin telja Grealish eiga í ástarsambandi við Sasha Attwood.
Grealish varð dýrasti leikmaður í sögu enska boltans fyrir tíu dögum þegar Manchester City krækti í hann frá Aston Villa, kaupverðið voru 100 milljónir punda.
