Það gæti orðið erfitt fyrir Chelsea að næla í Jules Kounde, miðvörð Sevilla, í sumar. Það er vegna þess að Kurt Zouma, sem Chelsea ætlaði að senda til spænska félagsins sem hluti af kaupverðinu, hefur engan áhuga á því. Þetta kemur fram hjá Mundo Deportivo.

Sevilla vill fá um 80 milljónir evra fyrir hinn 22 ára gamla Kounde. Chelsea hafði hugsað sér að klípa hressilega af kaupverðinu með því að senda Zouma til Sevilla sem hluta af skiptunum. Nú virðist sem svo að ekki verði af því.

Kounde, sem er franskur, hefur verið hjá Sevilla frá árinu 2019. Hann þykir mjög spennandi leikmaður.

Chelsea hefur líklega efni á leikmanninum. Hvort að félagið pungi út 80 milljónum evra í hann er svo önnur saga.