Samkvæmt heimildum Fótbolta.net er Arnór Sigurðsson á leið til Venezia á Ítalíu á láni frá CSKA Moskvu. Lánssamningurinn mun gilda út komandi leiktímabil.
Sagt er að Arnór muni gangast undir læknisskoðun á Ítalíu á næstu dögum.
Arnór er 22 ára gamall og hefur verið á mála hjá CSKA frá árinu 2018.
Venezia mun leika í ítölsku Serie A á næstu leiktíð eftir að hafa komið sér upp úr B-deildinni á þeirri síðustu.
Venezia er mikið Íslendingafélag. Óttar Magnús Karlsson og Bjarki Steinn Bjarkason leika með aðalliði félagsins.
Þá spila þeir Kristófer Jónsson og Jakob Franz Pálsson með U-19 liðinu.
