Fyrrum knattspyrnumaðurinn, nú knattspyrnustjórinn, Joey Barton neitar því að hafa veitt eiginkonu sinni, Georgia McNeil, höfuðáverka með því að sparka í höfuð hennar. Hann mætti fyrir dóm í morgun.

Sjá einnig: Fyrrum knattspyrnumaður ákværður fyrir ofbeldi í garð konu sem hefur tilkynnt um höfuðáverka

Atvikið á að hafa átt sér stað fyrir utan heimili vinafólks hjónanna. Eftir hávært rifrildi er Barton sakaður um að hafa gripið um háls McNeil og svo sparkað í höfuð hennar. Í kjölfarið fékk hún blóðnasir.

Barton, sem er stjóri enska D-deildarliðsins Bristol Rovers, hafnar þessu öllu.

Þetta mál er alls ekki það fyrsta sem Barton kemur sér í vandræði fyrir. Hann fékk til að mynda dóm árið 2008 fyrir að ráðast á liðsfélaga sinn hjá Man City á æfingu. Þá sat hann inni fyrir aðra líkamsárás það sama ár.

Auk þess var Barton sífellt að koma sér í vandræði inni á knattspyrnuvellinum sjálfum, er hann var leikmaður á sínum tíma, fyrir slæma hegðun sína.