Andre Silva, framherji RB Leipzig og portúgalska landsliðsins, fékk undarlegar spurningar um Cristiano Ronaldo á blaðamannafundi á dögunum.

Silva raðaði inn mörkunum fyrir Frankfurt á síðustu leiktíð. Hann skoraði 28 mörk í 32 leikjum. Í kjölfarið var hann keyptur til Leipzig.

Það var svo á fyrsta blaðamannafundinum sem leikmaður Leipzig sem Silva fékk spurningarnar furðulegu um Ronaldo, liðsfélaga sinn hjá portúgalska landsliðinu.

,,Þú þekkir Cristiano Ronaldo úr búningsklefanum. Hann er myndarlegur maður. Langar þig að verða eins góður og hann og fá vöðva eins og hann einn daginn? Lyktar hann eins vel og hann lítur út,“ spurði blaðamaðurinn hann.

,,Ég hef bara fundið lyktina af ilmvatninu hans,“ svaraði Silva léttur. Hann tæklaði spurningarnar með mikilli yfirvegun. Silva sagði að Ronaldo væri ofar öllum knattspyrnumönnum og kvaðst stoltur af því að hafa spilað með honum.

Myndband af spurningunum og svo svari Silva má í heild sjá hér fyrir neðan.

André Silva scored 28 goals in 32 Bundesliga games for Eintracht Frankfurt last season, averaging 0.9 goals per 90.

But he was asked if Cristiano Ronaldo smells nice in his RB Leipzig presentation. 🙃 pic.twitter.com/lRUMVouJ5r

— Squawka Football (@Squawka) July 25, 2021