Didier Drogba virðist hafa verið mjög hjátrúafullur þegar kom að knattspyrnuleikjum. Garry Grey, fyrrum starfsmaður Chelsea, sagði frá því í viðtali að hann hafi alltaf troðið dagblaði í skóna fyrir leiki.

Drogba var í 8 ár hjá Chelsea en hann kom til félagsins árið 2004 og skoraði 164 mörk fyrir félagið. Hann er afar vinsæll hjá stuðningsmönnum félagsins enda vann hann fjölda titla með Chelsea.

„Hann tók leikjum mjög alvarlega á leikdag. Jafnvel degi fyrir leik var hann gríðarlega einbeittur. Maður þarf að hafa mikið fyrir honum og sérstaklega með skóna. Það er tækið hans í leikjum. Við bleyttum þá, þurrkuðum og tróðum pappír í þá til að halda réttu formi á þeim,” sagði Grey við Sky Sport.

„Þetta var það sem Didier vildi og það virkaði.”