Lionel Messi sendi falleg skilaboð á 100 ára gamlan argentískan stuðningsmann sem heldur utan um öll mörk sem hann hefur skorað á ferlinum.
Öll tölfræði um Messi er til á netinu en Don Hernan, stuðningsmaður argentíska landsliðsins og Messi, heldur sjálfur utan öll mörk kappans. Hann hefur nú slegið í gegn á TikTok upp á síðkastið, þökk sé barnabarni hans.
Messi ákvað að senda honum skilaboð og þakka honum fyrir stuðninginn eftir sigurinn í Copa America.
„Halló Hernan. Ég heyrði af þér og sögunni þinni,“ sagði Messi.
„Mér finnst ótrúlegt að þú hafir skráð niður öll mörkin og ég vildi senda þér stórt knús og þakka þér fyrir það sem þú gerir.“
Tárvotur Don Hernan þakkaði Messi fyrir skilaboðin:
„Ég hef alltaf fylgt þér og mun alltaf gera það, til endaloka.“
El abuelito se llama Hernán, tiene 100 años y cada vez que Messi hace un gol, lo anota en un cuaderno. Lionel se enteró y después de salir campeón de la Copa América, le mandó un saludo, a través de un video.
Agarren pañuelos. pic.twitter.com/t7EXeDAXeE
— Ataque Futbolero (@AtaqueFutbolero) July 14, 2021
