Arsenal er í leit að varamarkverði til að veita Bernd Leno samkeppni á næstu leiktíð og eru tveir leikmenn á óskalistanum. David Ornstein greinir frá.
Félagið hefur mikinn áhuga á því að fá Aaron Ramsdale frá Sheffield United.
Þá horfir Arsenal einnig til Sam Johnstone, markvarðar West Bromwich Albion.
Báðir eiga þessi æeikmenn það sameiginlegt að hafa fallið úr ensku úrvalsdeildinni með sínum liðum á síðustu leiktíð.
Rúnar Alex Rúnarsson er á mála hjá Arsenal. Miðað við fregnirnar verður honum ekki treyst til að vera markvörður númer tvö hjá liðinu. Hann hefur til að mynda verið orðaður við brottför til Tyrklands.
Rúnar var varamarkvörður Arsenal fyrri hluta síðustu leiktíðar. Hann lék sex leiki fyrir félagið á því tímabili.
Í janúar fékk liðið hins vegar Mat Ryan lánaðan frá Brighton til að vera Leno til halds og trausts.
