The Sun greindi frá því í gær að Manchester United vildi fá bæði Raphael Varane, miðvörð Real Madrid og Kieran Trippier, hægri bakvörð Atletico Madrid, til liðs við sig í sumar. Fleiri enskir miðlar tóku tíðindin upp í kjölfarið.
Samtals myndu leikmennirnir kosta 68 milljónir punda, þar af færu 50 í hinn 28 ára gamla Varane. Sá á eitt ár eftir af samningi sínum við Real.
Ef bæði félagskiptin ganga upp þá verður Man Utd samtals búið að eyða um 140 milljónum punda í sumar. Jadon Sancho er að ganga í raðir félagsins á 73 milljónir punda.
Þá segir 90min frá því að Atletico hefði áhuga á Jesse Lingard, leikmanni Man Utd.
Lingard fór á kostum á láni hjá West Ham seinni hluta síðustu leiktíðar.
