Hinn 19 ára gamli Alessandro Arlotti tók ansi athyglisverða ákvörðun í byrjun árs. Hann ákvað þá að leggja atvinnumannaferil sinn til hliðar til þess að sækja nám við Harvard-háskólann í Bandaríkjunum, einn virtasta háskóla heims.
Þessi ungi og efnilegi Ítali hafði leikið með yngri liðum AS Monaco í franska boltanum sem og verið á mála hjá Pescara í heimalandinu. Þá tók hann þátt í Heimsmeistaramóti U-17 ára landsliða fyrir tveimur árum.
Nú mun hann hefja nám við Harvard í haust. Hann er ekki alfarið hættur í knattspyrnu því hann mun leika í háskólaboltanum í Bandaríkjunum með Harvard.
Arlotti kom upp í gegnum unglingastarfið hjá Monaco. Það starf þykir ansi gott. Það hjálpar krökkum einnig að ná sér í góða menntun með fótboltanum. Það var þar sem Arlotti var uppgötvaður fyrir hæfileika sína sem námsmaður, sem og auðvitað fótboltahæfileikanna.
,,Það var ekki auðvelt að æfa og læra samhliða. Ég verð samt að þakka Monaco. Það eru eitt skipulagðasta knattspyrnulið í heimi. Það er skóli inni í akademíunni sem hjálpar leikmönnum að halda náminu við. Það er ótrúlegt og hjálpaði mér svo mikið,“ sagði Arlotti við Sportbible.
Eftir að hafa verið í níu ár í barna -og unglingastarfi Monaco vildi Arlotti sanna sig sem leikmaður í meistaraflokki. Hann fór því yfir til Pescara í Serie B á Ítalíu. Þarna hafði hann þegar leikið fyrir U-17 ára landslið Ítalíu. Tíminn hjá Pescara gekk þó ekki sem skildi.
,,Ég vildi sjá hvort ég gæti spilað sem atvinnumaður. Ég var ekki nálægt aðalliðinu hjá Monaco. Þess vegna fór ég til Pescara. Því miður var félagið ekki á góðum stað. Þeir skiptu þrisvar um þjálfara á meðan ég var þar.“
Arlotti vildi halda áfram í námi en var ekki tilbúinn að hætta að spila fótbolta. Hann tók því ákvörðun um að yfirgefa Pescara og atvinnumannasamning sinn þar til að fara í nám í Bandaríkjunum.
Þrátt fyrir ströng inntökuskilyrði í Harvard tókst Arlotti að komast inn með mikilli vinnu og mjög góðum einkunnum.
,,Ég held að þetta sé besta ákvörðun sem ég gat tekið. Að spila fótbolta hér og læra er ótrúlegt. Stigið er hátt og fótboltanum í Bandaríkjunum fer fram.“
Arlotti útilokar ekki að leika aftur í Evrópu. ,,Ég held að það sé draumurinn,“ sagði hann að lokum.
