Arsenal hefur lánað Matteo Guendouzi til Marseille í Frakklandi en franska félagið mun svo kaupa hann eftir eitt ár.
Klásúla er í samningi Arsenal við Marseille um að franska félagið verði að greiða 9,4 milljónir punda fyrir Guendouzi næsta sumar.
Guendouzi var á láni hjá Hertha Berlin á liðnu tímabili en Mikel Arteta vildi ekkert með hann hafa hjá Arsenal.
Guendouzi er 22 ára franskur miðjumaður en hefur ekki leikið fyrir Arsenal í tæpt ár og heldur nú heim á leið.
Arteta vill losna við nokkra menn í sumar til að búa til að fjármagn fyrir nýja menn.
