Paris Saint Germain hefur haft samband við umboðsmann Paul Pogba samkvæmt fréttum ytra en félagið skoðar að kaupa hann í sumar.
PSG hefur áhuga á að fá Pogba til heimalandsins en franski miðjumaðurinn á aðeins ár eftir af samningi sínum.
Pogba hefur ekki viljað framlengja dvöl sína og hefur lengi talað um að hann vilji fara frá Manchester United. Það gæti orðið raunin í sumar.
Mino Raiola er umboðsmaður Pogba en hann er þekktur fyrir að vera harður í horn að taka þegar hann sest við samningaborðið.
Pogba er 28 ára gamall en hann lék áður með Juventus en gæti nú farið heim til Frakklands og spilað fyrir stórliðið þar í landi.
PSG eru stórhuga í sumar en félagið er að fá Achraf Hakimi, Sergio Ramos, Gianluigi Donnarumma og nú gæti Pogba bæst í þann hóp.
