Southgate er í vandræðum með að velja byrjunarliðið fyrir 8-liða úrslitin á Evrópumótinu á knattspyrnu sem fara fram á laugardaginn. Þar mætir England Úkraínu.

Harry Maguire, Declan Rice, Kalvin Phillips og Phil Foden mega ekki fá gult í leiknum gegn Úkraínu en þá verða þeir í banni í undanúrslitaleiknum ef England kemst þangað.

Southgate þarf því að velja hvort hann ætli sér að taka þá áhættu að spila leikmönnunum á laugardag.

Talið er að Mason Mount og Jordan Henderson séu næstir inn og kemur sér þetta því vel fyrir þá ef Southgate gerir breytingar. Mason Mount kom ekki við sögu í 16-liða úrslitunum gegn Þjóðverjum en hann var sendur í sóttkví eftir að smit kom upp í herbúðum Skota. Henderson hefur ekki fengið mikinn spilatíma á EM hingað til en hann er nýstiginn upp úr erfiðum meiðslum.

Þá er talið að Kieran Trippier sé að kljást við meiðsli og er því líklegt að kappinn verði hvíldur gegn Úkraínu.