Sergio Ramos fyrrum fyrirliði Real Madrid er sagður færast nær því að ganga í raðir Paris Saint-Germain í Frakklandi á frjálsri sölu.
Ramos fer frá Real Madrid eftir 16 ár hjá félaginu, hann og félagið náðu ekki saman um nýjan samning.
Spænskir miðlar segja frá því að Ramos hafi tjáð vinum sínum hjá Real Madrid að hann væri að fara til PSG.
Ensk og ítölsk félög hafa gert honum tilboð en samkvæmt fréttum hefur Ramos mestan áhuga á því að ganga í raðir franska stórliðsins.
Ramos er einn besti varnarmaður í sögu fótboltans en hann vill fá tveggja ára samning hjá nýjum vinnuveitanda.
