Rétt í þessu var nokkrum leikjum í Mjólkurbikar karla að ljúka.

Stjarnan tók á móti KA í 32-liða úrslitum Mjólkurbikars karla í kvöld. KA tryggði sér farseðilinn í 16-liða úrslitin með flautumarki.

Fyrri hálfleikur var nokkuð fjörugur en hvorugt liðið náði þó að koma boltanum inn. Emil Atlason braut ísinn á 57. mínútu og leit allt út fyrir að Stjörnumenn færu áfram í bikarnum. KA-menn voru á öðru máli og jafnaði Sebastian metin á 86. mínútu. Allt stefndi í framlengingu þar til Elfar Árni skoraði ótrúlegt mark á lokasekúndum leiksins. Þá varð misskilningur í vörn Stjörnumanna og boltinn barst inn fyrir vörnina og Sveinn og Haraldur reyndu báðir að ná til boltans. Boltinn fór að öllum líkindum út af en ekkert dæmt og Sveinn kom boltanum á Elfar sem kláraði í autt markið.

Stjarnan 1 – 2 KA
1-0 Emil Atlason (´57)
1-1 Sebastian Brebels (´86)
1-2 Elfar Árni Aðalsteinsson (´94)

Vestri tryggði sér einnig farseðilinn í 16-liða úrslit með sigri á Aftureldingu. Þá sigruðu ÍR-ingar ÍBV örugglega og KFS komst óvænt áfram með sigri á Víkingi Ólafsvík.

Afturelding 1 – 2 Vestri
0-1 Pétur Bjarnason (´14)
1-1 Valgeir Árni Svansson (´41)
1-2 Sergine Fall (´60)

ÍR 3 – 0 ÍBV
1-0 Jón Kristinn Ingason (´13)
2-0 Jorgen Pettersen (´72)
3-0 Hörður Máni Ásmundsson (´90)