Leigh Nicol leikmaður kvennaliðs Crystal Palace er á meðal kvenna sem nú stefnir vefsíðunni Pornhub vegna myndefnis sem birt var á vefsíðunni.
Nicol er ein af 34 konum sem höfðar nú mál gegn þessum risa í klámiðnaði. Ástæðan eru myndbönd af Nicol sem birtust á vefnum árið 2019.
Brotist var inn á Icloud reikning Nicol þar sem finna mátti myndskeið af henni að stunda kynlíf, myndböndin voru frá árinu 2014 þegar hún var aðeins 18 ára gömul.
Myndböndunum var hlaðið upp á Pornhub án hennar leyfis og það tók vefinn talsverðan tíma að taka efnið úr birtingu.
Nicol sem er 25 ára gömul og er frá Skotlandi tók sér pásu frá fótbolta árið 2019 vegna málsins, hún sagðist ekki hafa verið þekkt fyrir neitt annað en að vera á Pornhub og leið ansi illa með það.
„Fyrir ári síðan hófst þessi vegferð, takk allir. Fjölskylda, vinir, samstarfsfélagar og lögfræðingar,“ skrifar Nicol og birtir yfirlýsingu um málið.
