KA tók á móti Val í 10. umferð Pepsi-Max deildar karla á Dalvíkurvelli. Leiknum lauk með 0-1 sigri Íslandsmeistara Vals.
Leikurinn var nokkuð opinn og skemmtilegur og fengu bæði lið sín tækifæri.
Á 44. mínútu fengu heimamenn víti þegar Hedlund braut á Elfari. Jonathan Hendrickx fór á punktinn en lét Hannes verja frá sér. Enn eitt vítið sem KA klúðrar í sumar.
Valsmenn fengu víti á 74. mínútu þegar Stubbur braut á Sigurði. Patrick Pedersen fór á punktinn og lét einnig verja frá sér. Annað vítaklúðrið í leiknum. Patrick Pedersen bætti þó fyrir vítaklúðrið stuttu síðar er hann kom Valsmönnum yfir eftir stoðsendingu frá Hauki.
KA fékk aðra vítaspyrnu á 80. mínútu þegar Rasmus braut á Rodrigo Gomes. Sebastian Brebels tók spyrnuna og skaut í slána og út. Fjórða vítaspyrnan sem KA klúðrar í röð.
Valur heldur því toppsætinu með 23 stig. KA er í 3. sæti með 16 stig og eiga 2 leiki til góða.
KA 0 – 1 Valur
0-1 Patrick Pedersen (´77)
