Enska knattspyrnugoðsögnin Michael Owen hefur skipst á vafasömum skilaboðum við raunveruleikasjónvarpsstjörnuna Rebecca Jane frá því í vor. Hann bað til að mynda um tuttugu myndir af henni þar sem hún væri ber að ofan. Þessi fyrrum leikmaður er giftur Louise Bonsall. Mirror fjallar um málið.
Hinn 41 árs gamli Owen lék á ferli sínum fyrir lið á borð við Liverpool, Real Madrid, Newcastle og Manchester United. Hann starfar í dag sem sérfræðingur á BT Sport.
Owen fór að fylgja Jane, sem kom fram í raunveruleikaþáttunum ,,Big Brother“ árið 2017, á Twitter í mars. Í kjölfarið fóru þau að skiptast á skilaboðum. Fljótlega urðu skilaboðin af kynferðislegum toga.
,,Koma svo, sendu þær á mig. Þetta hefur verið leiðinlegt ferðalag til Lundúna svo ég þarf eitthvað að gera. Ekki skilja neitt eftir. Ég skal svo segja þér hvaða myndir henta fyrir samfélagsmiðla. Vonandi er það engin þeirra,“ skrifaði Owen til Jane er hann var einn í vinnuferð í Lundúnum.
,,Þú fórst strax alla leið með því að senda mér mynd af brjóstunum á þér svo það er best að vera ekki að halda aftur af þér núna. Hvað með að þú sendir mér um tuttugu myndir? Það væri flott,“ bætti hann svo við.
Í öðrum skilaboðum mátti sjá Owen segjast vera með fjölskyldu sinni þegar Jane sendi honum myndir þar sem hún var í baði.
Einnig mátti sjá á samskiptum þeirra að Jane hafði verið mikill stuðningsmaður Owen er hún var yngri. Hún er sjö árum yngri en hann. Vinkona hennar sagði jafnframt að hún hafi verið himinlifandi með það að Owen hafi haft samband við hana. Hún hafi vitað að samskiptin hafi verið vafasöm vegna þess að hann er giftur en samt sem áður ákveðið að halda þeim áfram.
Owen hefur almennt verið vel liðinn á meðal almennings. Hann virðist átt sig á því sjálfur miðað við skilaboð sem hann sendi Jane snemma í þeirra samskiptum.
,,Ég elska hvernig allir halda að ég sé engill en svo eftir að hafa talað við mig í innan við mínútu átta þau sig á því að þau höfðu rangt fyrir sér,“ skrifaði hann.
Síðustu samskiptin á milli þeirra áttu sér stað þann 5. júni síðastliðinn. Talsmaður Owen vildi ekki tjá sigum málið er hann var spurður um það.
