Cristiano Ronaldo var enn og aftur aðalmaðurinn hjá portúgalska landsliðinu er liðið vann 3-0 sigur gegn Ungverjalandi á Evrópumótinu í knattspyrnu á þriðjudag.
Ronaldo skoraði tvö mörk í leiknum og varð þar með markahæsti leikmaður EM frá upphafi með 11 mörk.
Það munaði þó litlu á að Ronaldo hafi ekki komist inn á völlinn í Búdapest. Nú hefur myndbandi verið deilt um allt á samfélagsmiðlum þar sem öryggisvörður þurfti að skoða skilríki leikmannsins áður en hann fékk að ganga inn.
Myndbandið hefur vakið mikla kátínu á samfélagsmiðlum enda Ronaldo ein stærsta stjarna fótboltans fyrr og síðar. Myndbandið má sjá hér að neðan.
— Dan Walker (@mrdanwalker) June 16, 2021
