Læknir danska landsliðsins í knattspyrnu, Morten Boesen, tilkynnti í morgun að Eriksen mun fá ísettan bjargráð vegna hjartastoppsins sem leikmaðurinn fór um síðustu helgi.

Eriksen féll niður í leik Danmerkur og Finnlands síðastliðinn laugardag eins og þekkt er orðið. Leikmaðurinn fór í hjartastopp en vegna snöggra viðbragða á vellinum er hann nú á batavegi.

„Christian hefur farið í ýmsar skoðanir á hjartanu og ákveðið hefur verið að setja í hann bjargráð,“ sagði læknir danska landsliðsins í morgun.

„Þetta tæki er nauðsynlegt eftir hjartaáfall af völdum takttruflana.“

„Við hvetjum alla til að gefa Christian og fjölskyldu hans ró og næði á komandi dögum.“

Bjargráður er tæki sem er komið fyrir við viðbeinið og þaðan tengt við hjartað. Í bjargráðnum er innbyggð tölva sem vaktar hjartsláttinn stöðugt og grípur inn í og meðhöndlar of hraðar og lífshættulegar hjartsláttartruflanir.

Danmörk á aftur leik í dag á Evrópumótinu í knattspyrnu, nú gegn Belgum, og mun leikurinn verða stoppaður á 10. mínútu þar sem verður klappað fyrir Eriksen í eina mínútu.