Gennaro Gattuso er hættur sem knattspyrnustjóri Fiorentina aðeins 20 dögum eftir að hafa tekið starfið að sér. Fabrizio Romano greinir frá þessu.
Gattuso, sem er goðsögn hjá AC Milan eftir að hafa leikið þar í þrettán ár, tók við Fiorentina eftir að honum hafði verið sagt upp störfum hjá Napoli. Þar áður hafði hann stýrt sínu fyrrum félagi, AC Milan.
Það er talið að Gattuso hafi ekki getað komið sér saman við stjórn Fiorentina um aðgerðir á félagaskiptamarkaðnum. Því hafa aðilarnir núna ákveðið að fara í sitthvora áttina.
Fiorentina hafnaði í þrettánda sæti ítölsku Serie A á síðustu leiktíð. Félagið þarf nú að fara í stjóraleit á nýjan leik.
Gennaro Gattuso is set to leave Fiorentina with immediate effect just 20 days after he’s been appointed, confirmed. ❌🟣 #Fiorentina
Problems on transfers strategy between Fiorentina board, Gattuso’s agent Jorge Mendes and Gennaro himself. They’re now working to part ways. https://t.co/iiXPKhx1uC
— Fabrizio Romano (@FabrizioRomano) June 16, 2021
