Sveindís Jane Jónsdóttir getur kastað boltanum langt inn á teig er hún tekur innköst. Það getur skapað ansi hættulegar stöður fyrir andstæðinginn. Hún tók einmitt eitt slíkt innkast í vináttulandsleik gegn Írlandi í gær.
Ísland vann leikinn í gær 2-0. Berglind Björg Þorvaldsdóttir og Karólína Lea Vilhjálmsdóttir gerðu mörkin í seinni hálfleik.
Það var í fyrri hálfleik sem Sveindís tók innkastið sem um ræðir. Þá kastaði hún boltanum inn í markteig Írlands og gott betur.
Lucas Arnold vakti athygli á þessu á Twitter og skrifaði ,,Mögulega lengsta innkast sem ég hef séð frá Sveindísi Jane Jónsdóttur.“
Myndband af innkastinu má sjá hér fyrir neðan.
Possibly the longest throw I’ve ever seen from Sveindís Jane Jónsdóttir @footballiceland pic.twitter.com/bHXkzlhEjz
— Lucas Arnold (@FotboltiLucas) June 16, 2021
