Austurríki sigraði Norður Makedóníu í öðrum leik dagsins á EM 2020. Leikurinn var liður í C-riðli mótsins. Leikið var í Rúmeníu.
Stefan Lainer kom Austurríki yfir á 18. mínútu eftir fyrirgjöf frá Marcel Sabitzer.
Reynsluboltinn Goran Pandev jafnaði fyrir Makedóna tíu mínútum síðar. Þetta var þeirra fyrsta mark á stórmóti, enda þeirra fyrsti leikur á slíku. Staðan í hálfleik var 1-1.
Michael Gregoritsch kom Austurríkismönnum yfir á nýjan leik á 78. mínútu eftir fyrirgjöf frá David Alaba.
Marko Arnautovic innsiglaði svo 3-1 sigur Austurríkis á í lok leiksins. Hann lék þá á markvörðinn og skoraði í autt markið.
Þessi lið eru í riðli með Hollandi og Úkraínu. Þau leika innbyrðis klukkan 19.
