Lukas Podolski fyrrum stjarna þýska landsliðsins og Arsenal þolir ekki eiginkonur fótboltamanna og segir þær eltast við frægð og frama í gegnum eiginmenn sína.

´Wags´eins og ensk götublöð kalla konur knattspyrnumanna eru oft áberandi og eru þær oftar en ekki mjög vinsælar á samfélagsmiðlum.

„Flestar eiginkonur leikmanna fara verulega í taugarnar á mér,“ sagði Podolski sem er í dag 36 ára gamall.

Hann segir að oftast sé um að ræða konur sem enginn þekkir en þær sækist svo í athygli. „Þú þekktir ekki flestar af þessum konum áður en þær kynntust knattspyrnumanni, þær byrja síðan að vera mjög áberandi í gegnum samfélagsmiðla.“

Eiginkona Podolski er ekki mikið fyrir athygli. „Podolski fjölskyldan gerir þetta á annan hátt og við erum glöð með það,“ sagði þessi fyrrum framherji Arsenal sem í dag leikur með Antalyaspor í Tyrklandi.

„Eiginkona mín hefur engan áhuga á því að markaðssetja sjálfa sig.“