Manuel Pellegrini er sterklega orðaður við stjórastöðuna hjá Everton en félagið leitar að arftaka Carlo Ancelotti sem sagði upp og tók við Real Madrid.
Pellegrini var með Real Betis á Spáni á liðnu tímabili og náði þar mögnuðum árangri, liðið fékk 20 stigum meira en á tímabilinu þar á undan.
Pellegrini þekkir vel til á Englandi eftir að hafa stýrt Manchester City og West Ham með góðum árangri.
Enskir miðlar segja að Everton hafi reynt að fá Pellegrini árið 2016 til að taka við af Roberto Martinez.
Jose Mourinho gerði lítið úr Pellegrini árið 2015 þegar hann kallaði hann „Pellegrino“ sem er nafn á sódavatni eins og frægt er.
