Íslandsvinurinn Phil Foden er þakklátur fyrir annað tækifæri í herbúðum enska landsliðsins. Hann er í hópnum sem er nú á leið á Evrópumótið. Í september á síðasta ári var Foden rekinn heim úr verkefni landsliðsins eftir að hafa hitt íslenskar stelpur ásamt Mason Greenwood. Atvikið komst upp snemma morguns í september og Foden og Greenwood voru sendir heim.

Lára Clausen, önnur af íslensku stúlkunum sem fór á hótel enska landsliðsins, fór í einkaviðtali við Daily Mail nokkrum dögum eftir fjörið á Hótel sögu. Þar kom fram að Lára og Phil Foden hafi stundað kynlíf á hóteli enska landsliðsins. Lára hafði skutlað Nadíu Sif á hótelið þar sem hún ætlaði að hitta Mason Greenwood. Þegar hún var á heimleið kom símtalið frá Nadíu um að Foden hefði áhuga á að fá hana á hótelið. Lára þurfti að finna hann á Instagram til að vita hver hann væri og sjá hvernig hann liti út.

„Ég gerði auðvitað risastór mistök en Gareth sagði mér að ef ég myndi halda áfram að spila vel og standa mig, þá kæmi annað tækifæri,“ sagði Foden.

Foden var frábær á liðnu tíambili og framhjáhald hans í Reykjavík hafði ekki áhrif á hjónaband hans eða frammistöðuna innan vallar.

„Ég varð að leggja mikið á mig, það eru ekki margir þjálfarar sem myndu gefa þér annað tækifæri. Ég vil þakka Gareth fyrir þetta tækifæri á nýjan leik.“

Flottur rass:

„Foden var bara venjulegur drengur, hann kom ekki fram eins og hann væri frægur. Við vorum að grínast og hann sagði mér frá lífi sínu en talaði ekkert um kærustu eða barn,“ sagði Lára við Daily Mail.

Þau fóru svo að ræða hæð sína en Foden er stuttur í annan endann. „Ég sagði honum að Nadía væri líklega hærri en hann, þá kyssti hann mig. Ég kyssti til baka, hann var góður að kyssa.“

Samkvæmt Láru stunduðu þau svo kynlíf. Eftir það komu Mason og Nadía yfir í herbergið þeirra. „Þetta var mjög gaman, Mason var að tala um hversu flottan rass ég væri með. Mér leið vel með þeim, ég var komin í föt. Hann talaði um þetta við Phil, ég sagðist heyra í þeim og Mason fannst það allt í lagi.“