Mido, fyrrum leikmaður Tottenham, er afar ósáttur við Daniel Levy, stjórnarformann liðsins. Tottenham leitar nú að nýjum langtímastjóra félagsins eftir að Mourinho var rekinn. Julian Nagelsmann, Erik ten Hag og Brendan Rodgers hafa allir hafnað félaginu.
Félagið hóf viðræður við Antonio Conte, fyrrum stjóra Inter, í byrjun síðustu viku. Levy hætti viðræðum við Conte vegna peningamála en Conte vildi nægan pening til að styrkja liðið og þá vildi hann einnig himinhá laun, eitthvað sem Levy var ekki tilbúinn til að gefa honum.
Mido telur að Tottenham muni aldrei fá inn þjálfara með metnað sem vill stjórna öllum fótboltalegum ákvörðunum félagsins. Þá finnst honum skrítið að Levy hafi eytt miklum fjárhæðum í nýjan völl en ekki í að styrkja hópinn.
„Tottenham mun aldrei semja við þjálfara sem vill hafa fullt vald yfir fótboltalegum ákvörðunum,“ sagði Mido á Twitter.
„Þess vegna rak hann Pochettino þegar hann fór að biðja um fleiri leikmenn.“
„Það er frábært fyrir eigendurna að búa til nýjan völl, þá græða þeir meira en það skiptir aðdáendur engu máli. Þeir vilja sjá bestu leikmennina og þjálfarana skrifa undir hjá Tottenham.“
#tottenham fans should know better.. Daniel Levy will never bring any manger in who wants full control of the football decisions will never bring in a demanding manager!! That’s why he sacked Poch when he started to ask for more players when he started to compare his team to city
— Mido (@midoahm) June 7, 2021
Building a new stadium is great for the owners it allows them to make more money but it means nothing to the fans! Fans want to see their team signing the best players and the best managers around #spurs need at least 4 top players all around and a top manager #COYS
— Mido (@midoahm) June 7, 2021
