Gini Wijnaldum miðjumaður Liverpool er á barmi þess að skrifa undir hjá PSG, allt benti til þess að hann væri á leið til Barcelona.
Samningur Wijnaldum við Liverpool er á enda í lok mánaðarins og því er honum frjálst að semja við annað félag.
Wijnaldum hafði um langt skeið verið í viðræðum við Barcelona sem bauð honum svipuð laun og hann hafði hjá Liverpool.
Hjá Liverpool þénaði hollenski miðjumaðurinn 800 milljónir króna á ári fyrir skatt. Í Frakklandi mun hann hins vegar þéna 1,5 milljarð íslenskra króna eftir skatt.
Sæmileg launahækkun en PSG lagði mikla áherslu á að krækja í Wijnaldum.
