Það fóru margir að sperra eyrun þegar útvarpsfréttir á RÁS2 voru fluttar í dag. Arnar Björnsson fyrrum íþróttafréttamaður var þar mættur til að lesa hefðbundar fréttir og einnig mátti heyra í Ólöfu Rún Skúladóttur, sem gerði garðinn frægan sem frétta og dagskrárgerðarmaður hjá RÚV á árum áður.

Bæði Arnar og Ólöf eru í hópi átta sumarstarfsmanna á fréttadeild RÚV í sumar. Arnar hefur starfað við fjölmiðla allt frá árinu 1979 er hann gaf út blað á Húsavík. Hann hóf síðan störf á RÚV árið 1986 sem almennur fréttamaður en fór nokkrum mánuðum síðar út í íþróttafréttir og hafði starfað við þær þangað til að hann missti starf sitt hjá Sýn á síðast ári.

„Þau eru í hóp fólks sem er í sumarafleysingum, það er algjörlega frábært að fá inn þetta reynslufólk. Ég er líka mjög glöð með það, að við réðum inn 8 manns í heildina. Þau eru frá 23 ára til 63 ára,“ sagði Rakel Þorbergsdóttir fréttastjóri RÚV í samtali við DV um málið.

Rakel segist hafa fengið mikil viðbrögð við því þegar fólk fór að heyra raddir Arnars og Ólafar í dag. „Þetta er öflugt teymi af nýliðum og reynsluboltum, ég er búin að fá mikil viðbrögð. Þetta eru raddir sem margir kannast við.“

Arnar og Ólöf munu starfa þvert yfir alla miðla RÚV, í útvarpi, sjónvarpi og á netmiðlum RÚV í sumar.

Arnar mættur þangað sem hann ætlaði sér:

Þegar Arnar var vikið úr starfi hjá Sýn sem íþróttaafréttamaður á síðasta ári hafði hann þetta að segja. „Ég ætlaði alltaf aftur í almennar fréttir en sportið er þannig að það er alltaf nýr leikur á morgun,“ sagði Arnar við DV á síðasta ári en hann er nú mættur þangað sem hann ætlaði sér, í almennar fréttir.

Arnar mun á RÚV starfa með dóttur sinni en Kristjana Arnarsdóttir hefur verið í hópi fremstu íþróttafréttamanna landsins auk þess að stýra spurningarþættinum vinsælka Gettu Betur.