Breiðablik hefur áhuga á að semja Þóri Jóhann Helgason leikmann FH og íslenska landsliðsins. Þórir lék sinn fyrsta A-landsleik um liðna helgi gegn Mexíkó.

Samningur Þóris við FH er á enda í haust og því geta önnur félög hafi viðræður við hann, Breiðablik er byrjað að reyna að sannfæra hann samkvæmt hlaðvarpsþættinum Dr. Football.

„Að sjálfsögðu eru Blikarnir komnir í þetta, þeir eru vakandi. Nú verð ég að segja Börkur, farðu inn í þennan deal,“ sagði Hjörvar Hafliðason stjórnandi þáttarins og átti þar við Börk Edvardsson formann knattspyrnudeildar Vals.

Breiðablik hefur verið duglegt að sækja leikmenn á frjálsri sölu frá önnur félögum eftir að Óskar Hrafn Þorvaldsson tók við sem þjálfari, hann ku vilja Þóri í herbúðir blika.

Hjörvar segir að Valur þurfi að uppfæra lið sitt og yngja upp, Þórir Jóhann hefur verið frábær í upphafi tímabils með FH og er aðeins tvítugur.

„Þú ert með eldgamalt lið Vals, þú varst að kaupa 11 milljóna króna leikmann (Guðmund Andra Tryggvason) sem hefur ekki spilað fótbolta í tæp tvö ár. Börkur þetta er leikmaður sem þú þarft að sækja, þú getur ekki mætt 17 árið í röð með Sigurð Egil, Patrick Pedersen, Hauk Pál og Kidda Frey.“

„Þú verður að uppfæra. Hann er byrjaður að sækja Tryggva (Hrafn Haraldsson), Guðmund Andra og ætti að sækja þennan.“

Þórir Jóhann fagnar 21 árs afmæli sínu á þessu ári en hann ólst upp í Haukum áður en hann fór í FH.