Leikmenn Chelsea halda áfram að gera sér glaðan dag eftir að hafa sigrað Meistaradeildina á laugardag, liðið vann þá 1-0 sigur á Manchester City í úrslitaleik.
Ensku leikmennirnir Masoun Mount og Ben Chilwell fá nokkra daga í frí áður en þeir mæta til æfinga hjá enska landsliðinu.
Chilwell og Mount slökuðu á í gær og birti bakvörðurinn mynd af þeim. „Ég og besti vinur minn,“ skrifaði Chilwell.
Það virðist létt yfir enskum leikmönnum en Jack Grealish var fljótur að skrifa undir myndina. „Declan Rice sagði mér að hann er ekki ánægður með þennan texta,“ skrifaði Grealish en Rice og Mount eru æskuvinir.
César Azpilicueta bakvörður Chelsea og fyrirliði gerir svo grín að klæðaburði Mount á myndinni. „Kveiktu ljósin þegar þú klæðir þig,“ skrifar spænski bakvörðurinn.
