Kjartan Henry Finnbogason gekk í gær í raðir KR en hann fékk samningi sínum við Esbjerg í Danmörku rift til þess að komast heim í tæka tíð. Félagaskiptaglugginn lokar á morgun.

Kjartan sem er 34 ára gamall gekk í raðir Esbjerg í upphafi árs en hann ætlaði sér að koma heim um mitt sumar.

„Ég vildi ekki koma til Íslands í hjóla­stól, ég vildi koma heim í góðu standi og finnst það mjög spenn­andi,“ sagði Kjartan Henry í samtali við Morgunblaðið.

Kjartan lék með KR áður en hann hélt í atvinnumennsku en fleiri íslensk félög höfðu samband við hann. „Já, bæði ég per­sónu­lega og umboðsmaður­inn minn feng­um nokk­ur sím­töl. Það var al­veg eitt­hvað svo­leiðis í gangi en KR voru alltaf núm­er eitt hjá mér og ég hefði aldrei getað séð mig fyr­ir mér í ein­hverj­um öðrum bún­ingi en KR-bún­ingn­um heima á Íslandi.“

Kjartan er sáttur með að mæta heim núna en hann gæti spilað gegn Val á mánudag, sama dag og hann klárar sóttkví. „Því er ég ótrú­lega feg­inn að geta komið strax til þess að hjálpa í stað þess að ég gæti ekki komið fyrr en á miðju tíma­bili eins og út­lit var fyr­ir. Það er mik­ill áhugi fyr­ir deild­inni heima og við vit­um al­veg hvað KR stefn­ir á, það þarf eig­in­lega ekki að segja það.“