Oliver Stefánsson 18 ára gamall varnarmaður Nörrköping í Svíþjóð hefur greinst með sjaldgæfan blóðtappa. Sænska félagið greindi fyrst frá málinu í gær
Nörrköping tók á móti AIK í sænsku deildinni gær og lauk leiknum með 2-0 sigri heimamanna. Samuel Adegbenro skoraði bæði mörk leiksins á 62. og 86. mínútu.
Ísak Bergmann var á sínum stað í byrjunarliðinu og Ari Freyr kom inn á sem varamaður.
Fögnuður leikmanna í fyrsta markinu hefur vakið athygli á samfélagsmiðlun en Ari Freyr Skúlason, Ísak Bergmann Jóhannesson og Samuel Adegbenro fögnuðu fyrsta marki leiksins með því að sýna liðsfélaga þeirra stuðning en Oliver Stefánsson greindist nýverið með blóðtappa í öxl.
Í frétt Fótbolta.net kemur fram að Oliver verði frá í hið minnsta sex mánuði en fjarvera hans gæti orðið lengri. Oliver sem ólst upp á Akranesi hefur verið mikið frá hjá Nörrköping, fyrst vegna meiðsla en nú vegna blóðtappans.
