Knattspyrnudeild Grindavíkur kynnir í samvinnu við Jóa Útherja nýjan varabúning félagsins fyrir komandi keppnistímabil í Lengjudeildinni. Grindavík hefur til fjölda ára leikið í bláum varabúningum en í tilefni af eldsumbrotunum sem hafa átt sér stað í nálægð við Grindavík var ákveðið að reyna að tengja nýjan búning við náttúruöflin sem eru allt í kringum okkur.
Þeman í búningnum er nýstorknað hraun sem flæðir fram með kröftugan kvikugang beggja vegna. Bleiki liturinn vísar til rauðglóandi skýjaþoku sem hvílir yfir bænum að næturlagi. Búningurinn rammar vel inn þann nýja veruleika sem blasir daglega við Grindvíkingum en veitir Kraft, Eldmóð og Hugrekki.
„Við vonum að nýr búningur falli vel í kramið hjá stuðningsmönnum, bæjarbúum og knattspyrnuáhugamönnum um land allt. Hér er aðeins stigið út fyrir þægindarammann og vonum við að nýr varabúningur færi okkar liðum gæfum á vellinum í sumar!,“ segir í tilkynningu.
Nýr varabúningur Grindavíkur🌋
Grindavík kynnir nýja varabúninga félagsins. Þemað í búningnum vísar til eldsumbrotanna í nálægð við bæinn; nýstorknað hraun sem flæðir fram með kvikugang beggja vegna.
Við svífum á bleiku skýi með þessa nýju búninga!
Áfram Grindavík! 💙💛 pic.twitter.com/IpGLSNRk2Q
— UMFG – Ungmennafélag Grindavíkur (@umfg) May 4, 2021
