Þaggað var niður í íþróttafréttamanninum Jon Champion á bandarísku sjónvarpsstöðinni ESPN í gær eftir að hann benti á ástæðurnar fyrir því að stuðningsmenn Manchester United væru að mótmæla eignarhaldi Glazer-fjölskyldunnar á félaginu.
Champion, var ásamt Taylor Twellmann, fyrrum landsliðsmanni Bandaríkjanna í setti. Taylor benti á það hvernig íþróttafélög í Bandaríkjunum eru rekin sem gróðastarfsemi(e.franchise), á þeim tímapunkti greip Champion, sem er frá Bretlandi, fram í fyrir honum.
„Ekki nefna þetta orð við mig, ég hata þetta orð vegna þess að við setjum það ekki í sama samhengi þegar að við tölum um íþróttafélög í Evrópu. Þetta eru félög með hjarta, ekki gróðastarfsemi,“ sagði Champion í beinni útsendingu.
Hann hélt síðan áfram, talaði um eignarhald Glazer fjölskyldunnar á Manchester United og hvernig eigendurnir hefðu dælt skuldum á félagið og hafi ekki sýnt minnstu merki þess að þykja vænt um félagið.
Eldræða Champion hélt áfram þar til að stöðin ákvað á endanum að þagga niður í honum og skipta yfir í auglýsingar. Stjórnendur ESPN segja þetta hafa gerst sökum tæknilegra vandamála.
Ekki er ljóst hvort þaggað hafi verið í Champion vegna skoðana hans á muninum á milli bandarískra og evrópskra félaga eða vegna gagnrýni hans á Glazer-fjölskylduna sem kemur frá Bandaríkjunum líkt og ESPN. Atvikið má sjá hér fyrir neðan.
Jon Champion was speaking up his mind about the Glazer ownership of the club and ESPN cuts him off halfway through. „Land of free speech“. Gotta protect the poor billionaires. Disgrace. #GlazersOut pic.twitter.com/zs88wgyDHK
— ron 🔱🔰 (@ronmaral) May 2, 2021
