fbpx
Miðvikudagur 09.júlí 2025
433Sport

Pepsi Max-deildin: Umdeild brottvísun slökkti í Fylkismönnum – FH sannfærandi

Helgi Fannar Sigurðsson
Laugardaginn 1. maí 2021 21:12

Þessi skoraði í dag. © 365 ehf / Stefán Karlsson

Ekki missa af Helstu tíðindum dagsins í pósthólfið þitt

Lesa nánar

FH vann öruggan 0-2 útisigur á Fylki nú í kvöld. Heimamenn spiluðu manni færri stærsta hluta leiksins.

Það markverðasta sem gerðist í upphafi leiks var þegar Þórir Jóhann Helgason átti slappa sendingu til baka, ætlaða Gunnari Nielsen í markinu. Djair Parfitt-Williams komst inn í sendinguna en Gunnar gerði vel og var mættur framarlega til að hreinsa boltann frá.

Á 24.mínútu fékk FH vítaspyrnu. Þá áttu Þórir og Jónatan Ingi Jónsson skemmtilegt samspil sín á milli sem endaði með því að sá síðarnefndi var tekinn niður í teignum. Ólafur Kristófer Helgason, markvörður Fylkis, braut á honum.

Steven Lennon fór á punktinn og skoraði af miklu öryggi og kom Hafnfirðingum yfir.

Stuttu síðar fékk Lennon tækifæri til að tvöfalda forystu FH þegar Matthías Vilhjálmsson renndi boltanum út í teiginn á hann. Varnarmenn Fylkis komust þó fyrir boltann.

Þegar tíu mínútur lifðu fyrri hálfleiks fékk Unnar Steinn Ingvarsson, leikmaður Fylkis, sitt annað gula spjald og þar með rautt. Seinna spjaldið var afar umdeilt en Erlendur Eiríksson, dómari leiksins, mat það sem svo að Unnar hafi farið með olbogann í andlit Eggerts Gunnþórs.

FH-ingar réðu ferðinni algjörlega eftir þetta. Í upphafi síðari hálfleiks skoruðu þeir sitt annað mark eftir frábæra sókn. Hörður Ingi Gunnarsson kom þá með sendingu frá hægri væng á Þóri sem var rétt fyrir utan teig. Þórir vippaði boltanum svo smekklega inn fyrir á Matthías sem skoraði í sínum fyrsta leik eftir endurkomuna í FH fyrir tímabil.

FH hefði hæglega getað bætt við forystu sína. Eftir rúman klukkutíma leik áttu þeir frábæra sókn sem endaði með því að Ólafur Kristófer varði frá Ágústi Eðvald Hlynssyni, sem kom til FH frá Horsens á dögunum. Stuttu síðar átti Þórir skot sem Ólafur varði einnig vel.

Björn Daníel Sverrison kom þá inn á sem varamaður á 63.mínútu og fékk ágætis færi til að skora eftir undirbúning Þóris og Jónatans en skot hans var varið.

Lokatölur 0-2, FH hefur mótið á sannfærandi sigri eftir slæm úrslit á undirbúningstímabilinu.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 16 klukkutímum

Leggur til stórkostlegar breytingar hjá KSÍ svo hörmungarnar endurtaki sig ekki

Leggur til stórkostlegar breytingar hjá KSÍ svo hörmungarnar endurtaki sig ekki
433Sport
Fyrir 16 klukkutímum

Spenntur fyrir kvöldinu: Mætir goðsögninni í mikilvægum leik – ,,Sendi mér skilaboð og hvatti okkur áfram“

Spenntur fyrir kvöldinu: Mætir goðsögninni í mikilvægum leik – ,,Sendi mér skilaboð og hvatti okkur áfram“
433Sport
Fyrir 20 klukkutímum

Bjarni upplifir óþægilegar endurminningar – „Gjörsamlega drulluðu á sig“

Bjarni upplifir óþægilegar endurminningar – „Gjörsamlega drulluðu á sig“
433Sport
Fyrir 21 klukkutímum

Lögreglan á Spáni tjáir sig um rannsókn málsins – „Bendir allt til þess að ökutækið hafi verið á töluvert meiri hraða en leyfður er“

Lögreglan á Spáni tjáir sig um rannsókn málsins – „Bendir allt til þess að ökutækið hafi verið á töluvert meiri hraða en leyfður er“
433Sport
Í gær

Sandra um muninn: „Eitt af því sem einkennir okkur“

Sandra um muninn: „Eitt af því sem einkennir okkur“
433Sport
Í gær

Leikmenn Liverpool mættu til æfinga í dag eftir erfiða daga

Leikmenn Liverpool mættu til æfinga í dag eftir erfiða daga