Myndböndum af Luis Suarez, þar sem hann sést svindla á prófi sínu upp á það að gerast ítalskur ríkisborgari, hefur verið lekið á netið.

Síðastliðinn september ætlaði Úrúgvæinn sér að ná í ítalskan ríkisborgararétt vegna, þá yfirvofandi, skipta til Juventus. Þetta gerði hann þar sem Juventus gat ekki fengið inn leikmann utan Evrópusambandsins. Þess má geta að eiginkona hans er ítölsk.

Suarez stóðst prófið og stefndi í að hann yrði ítalskur ríkisborgari þar til að fréttir frá Ítalíu sögðu að eitthvað grunsamlegt hafi verið við prófið sem leikmaðurinn tók. Því var haldið fram að leikmaðurinn hafi vitað um hluta spurninganna fyrirfram og því verið klár með réttu svörin.

Nú hafa hins vegar birst myndbönd sem sýna að Suarez hafi fengið aðstoð á meðan prófinu stóð. Þar má sjá þegar honum er rétt blað sem kann að hafa innihaldið svör við spurningum prófsins.

Í desember í fyrra var formaður skólans sem og þrír kennarar settir í átta mánaða hlé frá störfum sínum vegna atviksins. Þeir voru fundnir sekir um að hafa haft áhrif á útkomu prófsins .

Andrea Agnelli, forseti Juventus, segist aðeins hafa heyrt af svindlinu í fjölmiðlum. Hann tók fyrir það að hafa átt þátt í því.

Ekkert varð af skiptum Suarez til Juventus. Hann fór til Atletico Madrid þar sem hann hefur staðið sig mjög vel, skorað 21 mark í 36 leikjum.

Hér fyrir neðan má sjá myndböndin. Þar stillir Suarez sér meðal annars upp í myndatöku með starfsmönnum.

🚨فيديو مسرب لاختبار لويس سواريز المفترض للاجتياز اختبار اللغة الإيطالية لأخذ الجنسية الإيطالية تمهيدًا لانضمامه ليوفي .. و يثبت بالصور و الصورة أن الأختبار تم التلاعب فيه و تم اعطاء سواريز الاجابات محلولة! و بعضها اعطيت شفهياً كما في الڤيديو pic.twitter.com/hudIpfQfEw

— زهير الشماسي (@Zuheir_shammasi) May 1, 2021

ڤيديو آخر يبين مدة الانتظار القصيرة التي قضاها سواريز بمفرده و دخول الطاقم الاكاديمي له و التقاط الصور معه احتفاءً به pic.twitter.com/QQWIIB4Fh1

— زهير الشماسي (@Zuheir_shammasi) May 1, 2021

مقطع ثالث pic.twitter.com/sXUTam7lAD

— زهير الشماسي (@Zuheir_shammasi) May 1, 2021